فن الحياة

اعرف نفسك .. قدراتك .. طموحاتك  اعرف انت عايز ايه مش الناس عايزاك تكون ايه  متفكرش دايما فى أراء الناس مش كل آرأهم بتكون صح

شارك فى الحياة متبقاش متفرج انزل قابل ناس .. اتعامل معاهم اضحك .. ابكي .. غامر وشوف الدنيا اتعلم حاجة جديدة

لما الحياة تضلم اوى اقعد مع نفسك فكر فى الحاجات الحلوة اللى حصلتلك فكر ازاى قبل متحصلك الحاجات دى مكنتش متخيل انها هاتحصل ..... لما قبلت اصحابك فى المدرسة وبقوا عشرة عمرك لما قابلت الشخص الى بتحبه لما والدتك دعتلك دعوتين حلوين وبعدها ربنا فتحها عليك بوظيفة كويسة كل دمعة فى حياتنا بتيجى وراها ضحكة حلوة جميلة معلش انت دلوقتى فى وقت الدمع متخافيش عشان الضحكة جاية بعد كده

حاليا احنا بنحتفل بأعياد الطفولة فى مصر افتكرت أيام المدرسة و حفلة عيد الطفولة اللى كنا بنعملها كل سنة، افتكرت كمان أشرف !!! أشرف كان طفل فى نفس سنى و ساكن فى نفس المنطقة اللى أنا ساكنة فيها بس للأسف حياته ماكنتش نفس حياتى. أشرف كان ابن بواب العمارة اللى احنا ساكنين فيها طفل جميل وطيب وفى حاله. كنت دايما بأشوفه فى طريقي وانا رايحة أو جاية من المدرسة. بس ده ماكنش طريق مدرسته هو كمان لا ده كان طريق شغله !!! أيوه أشرف وهو طفل سنه أصغر من 10 سنين كان بيشتغل صبى فى ورشة ميكانيكا. مش قادرة أنسى نظرته للاطفال اللى فى سنه و هم رايحين المدرسة وهو واقف جنب الميكانيكى و هو بيصلح العربية عشان يناوله الحاجات اللى محتاجها. نظرته والدموع فى عينيه والشحم بيخفى ملامح وشه البرئ وهو شايف الأطفال لابسين لبس المدرسة و هو بهدومه اللى يدوبك ساتراه. مش قادرة أنسى لما كان بيحط وشه فى الأرض لما يشوفنى وأشوفه وصاحب الورشة بيضربه أو على الأقل بيشتمه.  يا ترى أشرف فين دلوقتى ولا بيعمل إيه؟ ممكن يكون لسه عامل فى ورشة و متجوز وعنده أطفال يحاول يربيهم و يعلمهم عشان يعوضهم اللى هو اتحرم منه؟  ممكن أ...